多圖解答 - 白鞋子篇!30menu 配襯白鞋子之選擇~ part 1
by 30 Menu
·
見上次篇黑鞋子blog 反應咁熱烈,
講得黑鞋子又點少得白鞋子!
可能好多人都會避開著白鞋,怕好易污糟~
事實雖然係😂 一定會比黑鞋易發現污漬,
但好襯程度就同黑鞋一樣,所以大家都唔好太驚著白鞋啦~
今次同大家分享平時著開邊款白色鞋同我哋心目中嘅wishlist,
希望可以幫到大家配搭出更多style la~
心喬
Bensimon
我嘅心水白鞋子之選,就係呢對 Bensimon帆布鞋啦!
非常易襯嘅悠閒風,
我覺得咁多隻色之中全白色係最靚嘅!
仲可以唔縛鞋帶就咁著,超方便~
草鞋
大家都好期待嘅草鞋準備restock啦~
今次仲返多咗 2 隻色比大家揀,
而我最近心水就係佢嘅白色啦~
睇開 website D相就知道佢有幾易襯,
基本上,如果你諗唔到點襯嘅話,著草鞋啦!
Hereu
黑鞋子篇介紹過佢
今次要介紹埋白鞋子
因為實在太鍾意佢啦!😍
涼鞋款~最鍾意就係用佢襯 grandma pants 㗎啦
上身再加Kou top 或者 unnie blouse 都好好睇㗎!
Jessie
Nike Air Rift
想Sporty 少少嘅襯法,我會揀Nike 忍者鞋。
雖然佢已經出咗好耐,但易襯度就係無減退過。
襯到連身裙例如 Maya、white artemis,
令你著裙時加添唔少輕便感覺,
著grandma pants 一樣襯到,
30menu sporty 造型一定要襯呢對忍者鞋~
Hereu Puntera square-toe ballerinas
有別於moonstar mary jane,呢對雖然一樣屬於婆仔鞋行列,
但佢比 Mary Jane 款多一份成熟嘅感覺,
所以~當你著 30menu 出席重要少少嘅場合,
呢對鞋絕對配合到嗰份儀式感,
不失大方尊重,又唔會太過over。
Moonstar x studio nicholson
呢對Dove 色嘅moon star
融合咗studio nichlson 嘅灰tone
令佢隻色好特別
襯30menu beige 色嘅衫真係超夾㗎🤍
加上moonstar 鞋身設計同樣著得好舒服。
Tinnie
Muji
呢兩對Muji 白鞋,超~~~~~級咁舒服。
介紹右邊先,縛帶芭蕾舞鞋,
好似我咁加對有pattern 嘅襪,成個感覺唔同晒~
左邊平底款式,有一定嘅配襯難度,
但如果襯連身裙其實係好好睇~
Comme des garcons CDG x Dr Martens Harness Shoe
好多時都會著Dr Martens 襯30menu 嘅衫,
白色嘅話就會揀呢對,
比Mary Jane 更中性硬朗嘅感覺,
鍾意用佢襯裙多啲,
做到更大嘅對比感。
Lobo Mercedita Japonesa
呢個款黑、白色全包!
好好襯嘅item,著grandma 褲、Archer 或者 Lynn 都襯到,
不過提一提,就係佢白色嘅底係薄過黑色嘅~(唔知點解)
所以著得耐會好易攰㗎 ^^