〖車頭第三號車卡月台是我慣常坐的地方因為較靜沒人騷擾〗

Top：BEIGE AMELIA
Pant：GRANDMA PANTS

約會男友對方竟然遲到，但沒關係，反正慣了，唯有mirror selfie 一下kill time。一身涼爽嘅布料，AMELIA top 版型稱身無多餘部分，乾淨俐落，衣長位置令上身比例更好。經典Grandma 褲九分長設計，啱啱好露出最瘦嘅腳踝位置，完美修飾腳型，兩邊口袋更係令人有安全感嘅重要點。一身滿意嘅穿搭對身心健康非常重要（等人時嘅怒氣減半～）！

〖難道你不知道在圖書館大聲說話會被圖書館管理員責備嗎？〗

Top：BEIGE AMELIA
Dress：MILLET DRESS

氣質這回事，只要一件簡單上衣同連身裙就可以擁有。Millet dress 沿用 30menu 經典嘅百褶元素，充滿學院感，A字型裙擺飄逸活潑，配搭 Amelia 上衣，Girly 而簡約大方。腰間細帶束腰，可以修飾身型，隨心情調整。

〖興奮的我在前往野餐的路上卻發現忘了帶草帽〗

Top：HELLO MY BEAUTIFUL OLD FRIEND
Vest：DION VEST WITH STRAPPING
Dress：WHITE ARTEMIS
Bag：Sideways Funagata (Natural)

去野餐我會prefer 著白色嘅 item，因為影相夾埋藍天同草地係好清新舒服㗎! 上身襯 hello my beautiful old friend 泡泡袖top，7分袖郊遊都好輕便，輕薄棉布材質有種舒適柔滑嘅感覺，襯托 white artemis 非常飄逸。如果唔想全身白色，可以好似我咁用 Dion vest 做layering，(靜靜話你知，呢件Dion vest 我哋每人都有一件呀) ♡

 〖與男友遊玩時盡興一點也要美〗

 TOP：JONA BLOUSE IN CREAM
JUMPSUITS：LYNN JUMPSUIT 

LYNN JUMPSUIT Oversized 連身褲剪裁，會幫你無限增高!!! 配埋極幼肩帶，平衡返闊身褲嘅粗礦感覺，少少Sharp 得嚟又有溫柔甜美感。上衣配搭 Jona ，泡泡蝴蝶結袖加上cream 色，感覺更加柔和舒服。放假同男朋友出遊，穿著舒適亦不失美感~✿

平時講襯衫、布料就講得多，不如今次就同大家分享吓店員休班之日常，(._.真係有人想知咩？) ，講吓飲飲食食扮靚日常♡ 又咁啱我同 Chole 一齊放假，咁放假做咩好呀，不外乎～今天只做一件事～就係Hea！點樣Hea得更有意義？梗係hea hea地 non-stop 蒲cafe ^^~ 充實嘅 Hea Day 由完美嘅planning 開始，我哋plan 咗去兩間cafe，都係超級順路嘅尖沙咀路線，即刻睇相跟我哋一齊行啦～

呢排天氣時冷時熱，想著得輕便啲出街，都要帶多件褸傍身，於是我今日就用西裝短褲襯上身嘅長袖恤衫，唔怕中午太熱，入黑涼咗都有件長袖頂住！ (ootd 就無影啦，大家靠幻想吓先)

好啦～入正題！（終於入題～原諒我勁多口水 hahahahha~) 今日第一間去嘅Cafe 就係喺山林道嘅「Grandmama Cafe 婆婆珈琲屋」，佢係觀塘間「婆婆雜貨店」嘅姊妹店，係日式輕洋食Style，Menu 風格同 Muji cafe 一樣，分咗三品、四品及五品，我今日揀嘅係三品料理，有富士山造型嘅明太子飯團set，藍白色啲富士山真係超可愛 ᶘ ᵒᴥᵒᶅ （日本癮又發作啦）直頭係成餐飯嘅主角，配角都非常之ok㗎~ 前菜揀咗清酒溏心蛋同芝麻醬配菠菜，熱食就有金平牛肉，成set 份量啱啱好，有飽腹感之餘，散個步可以直接去飲啡！ 呀，仲有杯飲品都係非常之出色，點咗「婆婆杯茶」蘋果soda （good good good 要畀夠 3 個good!)，味道清新仲好解到食物油膩感 (當自己foodie 麼 ._.) 加上菠蘿乾配襯復古花花玻璃杯，就係perfect～ cafe 隔籬都有雜貨部，飲飽食醉完仲可以過去行下𠻹～

大家如果想去記得要上佢哋 website book咗檯先呀，因為係無得walk-in, 如果唔係就會好似我第一次去咁摸門釘㗎啦！

hehehe~

食飽就出發去我哋非常期待嘅第二站，TST魔法毛聞影相位！前排喺IG 瘋狂出現嘅打卡位，圓角窗框配搭閃閃海景，就係喺海港城入面間cupping room！應該好多人都知道呢個打卡點，我哋咁啱坐咗喺對正海景嘅位置 (Lucky~~~* ٩(๑❛ᴗ❛๑)۶) 慢慢嘆啡望住閃閃發光嘅海，絕對係hea day 新高度~ 喺呢度睇黃昏magic moment 就最靚啦！

呢part 偷偷出賣吓我哋嘅鎮店之寶 Chole 先~ 影咗靚相忍唔住要同大家share～～～ 

嘆完啡就到行程最後一站，用Shopping 作結~ 衫褲換季，個妝都一樣要換季呀 (買嘢藉口何其多～) 我哋去咗美麗華買單色眼影，今季春天色真係靚到想掃晒返去 (心心眼~~) 呢次target 就係呢粒黃色眼影同橙色 mascara~~成功入手✌️ 開心~ 有機會下次再同大家講多D 化妝嘢啦。

(ig: toonecosmetics)

好啦，店員休日之行程去到呢度，希望無悶親大家啦，有機會下次再share 啦，byebye～

「食蛋糕」係生活上一種儀式，喺重要嘅時刻例如生日、周年紀念、畢業、結婚、散水等各種慶祝場合，大家都會買個蛋糕令當刻變得更有意義同有價值。除咗慶祝之用，有時候為咗慰勞努力工作咗一整日嘅自己，或者有時候想對自己好啲，唔少人都會買件精緻嘅切件蛋糕，慢落嚟好好享受送畀自己嘅me-time，都算係一個增加生活幸福感嘅小儀式。

「食蛋糕」喺現今世代，代表住開心moment，大家有無諗過「蛋糕」呢樣咁別緻嘅食物，係點樣出現？到底係邊個咁有心思，發明一種人人見到都會覺得開心同幸福嘅食物呢？根據食品歷史學家記錄，最早紀錄到製作蛋糕嘅歷史來自羅馬同希臘，估計由早期埃及人最早開始做蛋榚，當時嘅蛋糕同麵包極之相似，所以古埃及人都未會叫佢做蛋榚。直到10世紀左右，砂糖成為意大利貿易商品，先開始變成今時今日由砂糖、牛油、麵粉製成嘅蛋糕。

(Repost)

而生日要食蛋糕呢件事，就要追溯到中古時期歐洲，歐洲人相信，生日係靈魂最容易被惡魔入侵嘅日子，所以生日當日親人朋友都會聚喺生日者身邊為佢送上祝福，並會製作簡單蛋糕驅逐惡魔，帶嚟好運！最早期蛋糕材料非常簡單，天然可採摘得到，例如：堅果、花露水、柑橘類水果、棗子與無花果等配料而成，做出簡單日常家庭都享用到嘅蛋糕。至於比較華麗嘅生日蛋糕，只有國王同貴族先有資格擁有，會選用珍奇嘅原材料例如蜂蜜姜餅及扁平硬餅乾類，喺往後日子，隨住各地貿易越嚟越頻繁，原材料更容易運送到各地，蛋糕嘅配搭亦更多變。好多人都鍾情嘅Cheese cake 就係由希臘人發明，之後由羅馬人將Cheese cake隨住帝國擴散而散佈到歐洲各地，再由歐洲人將Cheese cake食譜帶到美洲大陸，成為今時今日大家都品嚐到嘅好味Chesse Cake！

(Repost)

時至今日，蛋糕唔只係一件白色忌廉蛋糕，隨現化人品味及口味轉變，由以前細細個食開嘅雜果忌廉蛋糕，到後期喺味道、口感同外觀上都更上一層樓嘅黑森林、五重芝士口味、綠茶、栗子等等，打破傳統蛋糕嘅印象，其實蛋糕都可以有好多玩法，帶來無窮新鮮感！最近流行嘅蛋糕Style 就反璞歸真，以極簡Style捨去花巧裝飾，反而演繹出另一種美感。

本地蛋糕品牌 20Table，同樣以簡約風格為蛋糕設計概念，口味與造型都別具心思，創作出獨有美感，手繪畫風、粉系配色、寵物造型等設計都叫人心動呢～

(ig: 20_table)

20Table  將與 30 menu 合作，推出兩款以冰島風景為創作意念嘅蛋糕：Mývatn 米湖 及 Reynisfjara Beach 黑沙灘，蛋糕真身好快有得睇，先帶大家睇下米湖同黑沙灘，感受冰島天地靈氣～

Mývatn 米湖

講到玩具，大人小朋友都鍾意，有人鍾情日式可愛或動漫玩具、有人迷美式漫畫模型、有人就對舊玩具情有獨鍾，喺世界各地搜羅舊玩具，更設立「香港玩具美術館」展示佢示珍藏品！

唔好以為，收藏得呢類咁有歷史感玩具嘅人一定係有返咁上下年紀，錯錯錯！其實佢係一位女生！「香港玩具美術館」主理人黎穎琪，於2015年獲得澳洲皇家墨爾本理工大學藝術學士學位，主修雕塑，10年前開始收藏世界各地嘅舊玩具，過程中發現喺世界唔同角落都搵到Made in Hong Kong 嘅舊玩具，令佢感受更深，香港嘢的確可以威出國際呢！2019年，黎穎琪獲得藝鵠駐場藝術家計劃贊助，於灣仔富德樓開設「香港玩具美術館」，以藝術作為媒介展示香港製造嘅玩具，從另一角度訴說本土玩具文化，令更多人重新認識香港懷舊玩具，延續 Made in Hong Kong 嘅情懷！

「香港玩具美術館」嘅收藏品以五十至七十年代舊式香港製玩具為主，有唔少從未見過嘅玩具，例如：六十年代公仔紙、口袋玩具、色塊拼圖玩具等等，大大擴闊你對香港製玩具嘅想象，即使手工或上色唔及現代玩具咁完美無瑕、標準一樣，但就係呢種手工觸感，經由人手上色製作嘅細節，令玩具更有質感與獨特。重新認識呢啲隨時老過你嘅玩具，絕對係舊玩具都可以有新玩法！

(公仔紙video: www.instagram.com/p/B93810nAO-p/ )

六十年代公仔紙 - 動物篇

睇過Running Man 都見過韓國卡紙game，原來香港以前都有類似玩意，就係呢啲公仔紙！公仔紙係六、七十年代風靡一時嘅小玩意，細小紙咭印上各種人物或圖案，顏色豐富款式多樣，玩法係由兩名玩家將紙咭放喺掌心，互相擊掌後放開，紙咭落地後正面朝天者為勝，仲可以贏走負方紙咭，透過同朋友對戰，收集唔同圖案嘅紙咭，真係而家儲卡熱潮嘅先河！

(口袋玩具 video: www.instagram.com/p/CCLKNnxAXHA)

懷舊玩意往往可以令你嘅創作力量同幻想嚇返自己一跳！呢款七十年代香港生產嘅鎖匙扣玩具，一套三款，透過拼裝唔同形狀嘅組件組成完整玩具，仲可以當鎖匙扣用，係一款靈活多變嘅動腦小玩意，所以玩都可以玩得好用腦！

除咗香港生產懷舊玩具，「香港玩具美術館」今次為大家帶嚟產自德國嘅古董陶瓷玩偶，呢種懷舊陶瓷玩偶具有一定歷史，創作起源都有段小故事。喺1840年，年輕美麗嘅Charlotte 跌入冰冷嘅湖水，美貌被結冰封存，自此，Charlotte 成為咗陶瓷玩偶嘅設計靈感，喺往後六、七十年更演變成為德國、日本等國家中別樹一格嘅陶瓷玩偶類型，具有重大象徵意義呢！

今次「香港玩具美術館」聯乘 30Menu，舉行「德國陶瓷玩偶領養計劃」，想一睹極具歷史感嘅古董陶瓷玩偶真身，就嚟我哋Studio 認識吓佢哋啦 ：）

30menu was founded in 2015, a Hong Kong based life select shop. We aspire to host our dear fellows with sincere and inspirations, a place for you to unwind.

With a focus on craftsmanship and beauty in life , we offer high quality pieces that is made to last beyond the season. Made in HONG KONG with finest fabric from JAPAN/ EUROPE, 30menu is a place where you can find timeless essentials to add into your own uniqueness.

"please take good care of me."