PAGE 09

《愛》的本質·讓《愛》流動

生命有限,人生中不管是哪種愛如親情,愛情,友情都需要表達,付出,分享,愛的本質就是讓愛流動。

依稀記得從前年幼時,爸爸會帶我到青龍水上樂園學踩單車(出賣年齡系列),有點年歷嘅朋友就會知道青龍水上樂園是什麼來,它旁邊一併是個單車公園,印象最深刻是它的地面設計是沙地(其實就係冇設計過),所以當所有單車經過萬車奔騰時,大家可以幻想到係沙塵滾滾,何其壯觀,但認真來講係有啲難頂嘅。

但唔好理,細個嘅時候就係覺得好玩。

而媽媽就係傳統家庭主婦,打理家頭細務,照顧屋企日常,記得中午嘅時候仲會哄我同姐姐午睡,會摸吓我哋嘅頭,掃下我哋嘅背脊,仲有個好嘈嘅風扇,然後慢慢就好快瞓着。

Fan Ho’s ‘Quarter to Four (三點九・中環街市)’ – Hong Kong 1950s and 60s – Courtesy Blue Lotus Gallery

但日子漸過,年紀開始長大,可能因為工作或某些原因,反而和屋企人關係越疏離,但其實心裏面是充滿感謝和緊張父母,但可能傳統習慣,總係將這份愛意藏在心裏面。

最近和父親聚餐,細心留意,他已經唔再係我年幼時年輕力壯嘅父親,原來兩邊髪鬢已經長滿好多白髮,臉上眼角額頭多咗好多皺紋,每條皺紋代表著過去多年來的經歷,照顧這個家的重擔,對著父親,幾耐冇用語言表達我嘅愛意,或用行動給他一個擁抱,俾佢感受接收到。

人生最怕就是後悔,遺憾,幾多時候等到對方已經離開,但仲使你有千言萬語也只能藏在心底,愛得太遲。

MARIA SVARBOVA's work

慢慢長大到校園時代青蔥歲月,對著暗戀明戀單戀相戀嘅對象的憧憬和幻想,腦𥚃面總係有好多小劇場例如第一次的偶遇,從前老土一點的廣告橋段是在汽水機前扮偶遇,幻第一次約會的地方是coffee shop還是公園?幻想第一次拖手的地方是在沙灘上漫步?憧憬第一次接吻是在漆黑的電影院裏,還是送別的屋企樓下?

現在說起來內心也有一份既緊張又甜蜜且羞澀的心情。

由相識,甜蜜,磨擦,冷卻到分離,從這不斷的循環裏面,不多不少,發現有些習慣在不期然地重複,曾幾何時因為內心的掙扎,而錯過給緣份,曾幾何時因磨擦意氣講道理而破壞了這段關係,曾幾何時因為拖延總是認為有下一次機會,然而再沒有表達愛意的機會。經歷過”一些”戀愛經驗,不要問我一些是多少,總言之緣份遇上大家共同成長到分離,感恩到現在我遇到了生命的另一半,因為她的付出,表達,分享,令我夢醒原來這就是愛,愛要及時,大聲說出,行動表達,讓對方收到。

arewell to departing troops at New York's Penn Station, April 1943. © Alfred Eisenstaedt, The LIFE Picture Collection/Getty Images

人所以有目標,約定,承諾,是因為生命有時間所限,人的一生,並沒有我和你想像中長,甚至乎可以係一瞬之間,生命有限, 唔好俾自己機會有遺憾,內疚,容許你嘅愛,對家人,伴侶,朋友都表達出來,分享,付出給對方,愛要及時,讓愛流動。

生命有限,人生中不管是哪種愛如親情,愛情,友情都需要表達,付出,分享,愛的本質就是讓愛流動。

11月 14, 2022

發表評論

請注意:評論會在批准後發布。